MISR hodie

MISR hodie

quae olim Aegyptus; a Mari Rubro ad utramque Nili ripam iacet, totius Africae cultissima et ditissima regio. Praecipuum in ea miraculum Nilus exhibet, qui, ex in tima ortus Africa, quotannis circa medium Augusti, universam regionem inundat, et si ad aubitos 20. vel ad summum 22. excrescat, certissimum praebet fertilitatis argumentum. Quam ob causam in Aegypto omni labore caret Agricultura, et sulus caeli beneficium est. Hinc populi segnities et otium, quae causa, quod imbelles, garruli et serviles Aegyptii cen seantur, externique iugi facile patientes. Sed mores eorum, inter tot mutationes, cum modo Kircassis subesent, modo Turcis et Arabibus, vix certo designari possunt. Hodie triplex omnino gens inter se permixta regionem colit, prisci Aegyptii, quos Elcopos vocant, deinde Arabes, et denique Turcae. Dividitur illa hôc tempore in V. provincias, Sahid, Tennes, Resid, Alexandriam et Damiatam. Metropolis est Alcairum seu Alcahira, maxima totius fere orbis, triplô maior Lutetiâ Parisiorum: ut pote longa 3. milliar. Germanic. aediumque ducenties mille et sedecies mille platearum capax. Templa porro habet septem mille, incolarum que ad sedecim milliones; quô fit, ut frequentior pestis unô saepe die viginti hominum milia absumat. Sequitur Damiata, quam priscorum Pelusium esse credunt: totius Aegypti claustrum munitissimum, adco ut Aegyptus, nisi captâ Damiatâ, expugnari nequeat. Vicorum pagorumque hodie infinitus in hac terra numerus: Namque solum Delta, i. e. Regio inter Nilum, eorum 20000. complectitur, et in tractu Alcahirae ad quadraginta milia sunt. Georg. Hornius Orb. Polit. Part. 4. p. 70. 71.